經常有客人問小編，「邊隻牌子最好呀？」「邊款味最多人買呀？」我哋整合咗2021年上半年嘅銷售數字，畀各位家長參考一下~！
1.三大急凍生肉貓糧統計
急凍生肉貓糧來看，Big Dog 的袋鼠配方比 Dr.B 的袋鼠配方更受歡迎，而Stella&Chewy’s 因沒有袋鼠配方，所以沒有比較數字。
火雞配方而言，Big Dog 與 Dr.B 的受歡迎程度相若，而 Stella&Chewy’s 的火雞配方較低於前兩者。
但係，Stella&Chewy’s 的雞配方，受歡迎程度卻是拋離 Big Dog 一段距離！而 Dr.B 因為沒有雞配方，所以沒有比較數字。
值得一提是，Stella&Chewy’s 設有「鵝鴨配方」及「兔配方」，雖然呢兩款配方唔係特別多人買，但如果計埋兩款配方嘅銷售量，Stella&Chewy’s 嘅整體銷售量會再高一點。
因此整體來看，袋鼠、雞、火雞三款味道的銷售總數都是差不多，證明三款味道都各有fans啦！而以品牌受歡迎程度分析，呢三個品牌相差唔遠。所以問小編「通常貓貓鍾意邊款多啲？」，可能真係要視乎「個貓口味」同家長budget呢！
2.Big Dog急凍生肉狗糧
急凍生肉狗糧方面，我哋揀咗 Big Dog 嘅數據同大家睇睇：
Big Dog 設有標準系列、保健系列、單一蛋白系列，簡單嚟講，就係「平啲」同「貴啲」嘅分別啦！(上圖以藍色及紫色作區分) Big Dog 現時共推出10款配方，但魚配方我哋並非經常入貨 (可供訂購)，因此不在此比較。
「平啲系列」之中 (羊、鴨、牛、四寶)，受歡迎程度相當平均！「貴啲系列」之中，則以袋鼠銷量最為突出，其次係皮膚同火雞配方。
雖然皮膚&健怡配方銷量好似相對不及其他，但畢竟呢兩款配方係為針對特別問題而設，所以唔係佢哋冇咁受歡迎，只係相對其他配方冇咁大路啫！
而有機山羊配方，係最新推出，亦係價錢最貴嘅一款。因為山羊係另一個價位，所以未能與其他味道混款購買，實在比較輸蝕！不過今個8月起，我哋都將山羊加入混款優惠喇！相信嚟緊會愈來愈多食客會想試吓佢！
整體來說，Big Dog「平啲系列」與「貴啲系列」嘅銷售量，比例大概係55% vs 45% ，可見就算「貴啲」，依然有一班食客支持，就知佢物有所值啦！
3.Mr. Raw急凍生肉糧
咦？講咗咁耐，點解冇提起過 Mr Raw 嘅？哈哈！因為 Mr Raw 生肉糧係貓狗都啱食，所以我哋冇將 Mr Raw 同其他急凍貓/狗糧直接做比較，以免犯規呢！
你可能會問，貓狗都食得？會唔會唔太好呀？其實一般急凍貓/狗糧主要分別，係貓糧會以肉&骨&內臟為主；而狗狗係相對雜食動物，因此會加入10%左右的蔬果，而貓貓則不需要。另外，狗狗生肉中的骨頭，一般會磨得較貓貓生肉嘅骨頭粗。
但 Mr Raw 相信，狗同貓都係肉食動物！所以冇額外加入蔬果，咁就自然貓貓同狗狗都食得啦！而且 Mr Raw 生肉內的骨頭磨得比較幼細，特別適合體型細小嘅貓狗添呢！
汪家長如有需要，亦可自行加入蔬果 (約份量10%左右)，簡單地即可增加home-made嘅感覺！
睇返Mr Raw嘅銷售分佈，兔配方&鹿配方明顯最受歡迎！鹿肉一般價錢較貴，但Mr Raw將佢嘅定價同其他肉類睇齊，所以小編認為Mr Raw鹿肉係相當抵食！而兔肉，除咗適合狗狗，亦好受貓貓歡迎，所以銷路亦係十分好呢！
Mr Raw嘅羊配方係單一配方，只含純羊肉&骨&內臟，當中更獨特加入羊草胃，增加氨基酸及益菌酵素，有助消化！
而Mr Raw嘅雞亦有別於其他牌子，係用上野雞。野雞一般會比家雞更天然，營養更好！
另外，馬配方係特別針對身體有問題而設的配方，當中只含肉&內臟；小編會建議冇特別需要的話，就唔好長期只食馬配方啦！但偶然食吓，又或者混合其他配方一齊食，吸收馬肉嘅營養，係個唔錯嘅選擇！
需要一提係，牛配方因為曾斷貨幾個月，近兩個月才重新上市，因此銷售量會比其他配方明顯偏低，未有反映出實際受歡迎程度~
睇完其他家長嘅選擇後，唔知你哋又有冇興趣，替毛孩轉吓其他口味試試呢~？